İsrail Ordusu gecə saatlarında Qəzzaya havadan hücum həyata keçirib.

İslamazeri.com xəbər verir ki, hücum bir evə raket zərbəsilə reallaşıb.

Hücum zamanı "İslami Cihad" təşkilatının hərbi qolu olan "Al Qüds" briqadasının komandirlərindən olan Baha Abu Al Ata və həyat yoldaşı öldürülüb. Daha iki nəfər isə yaralanıb.

Məlumata görə, hücumu bir başa İsrailin baş naziri Benyamin Netanyahu imzalayıb.

 İsrail mediasının məlumatına görə, bundan sonra "İslami Cihad" döyüşçüləri İsrailin nəzarətində olan Sderot, Qederet hətta Tel-Əvivə də raket atıblar. Yerli KİV raketlərdən sonra həyəcan siqnalının səsinin eşidildiyi, lazım olacağı təqdirdə əhalinin sığınacaqlara yerləşdirilməsi prosesi həyata keçiriləcək.

Qeyd edək ki, "İslami Cihad" təşkilatı kimi HƏMAS da hücuma görə İsrailə cavab veriləcəyini açıqlayıb.

Qəzzada İslami Cihadın komandiri və arvadı qətlə yetirildi: Tel-Əvivə raketlər atılır