1. http://www.islamazeri.com/
  2. XƏBƏRLƏR
  3. SOSİAL

Kateqoriya : XƏBƏRLƏR

SOSİAL

Yayınlanma tarixi:17.10.2019 00:40:29

Bakı şəhər İcra Hakimiyyəti (BŞİH) Milli Şuranın oktyabrın 19-na təyin etdiyi mitinqlə bağlı müraciətinə cavab verib.

Bakı şəhər İcra Hakimiyyəti (BŞİH) Milli Şuranın oktyabrın 19-na təyin etdiyi mitinqlə bağlı müraciətinə cavab verib.

APA-nın məlumatına görə, BŞİH-də müraciətə baxılıb və və mitinqin oktyabrın 19-da saat 15:00-dan 17:00-dək Lökbatan qəsəbəsi, 28 may küçəsi "Neftçi İdman Klubu"nun Qaradağ təlim - idman bazasında keçirilməsinə razılıq verilib.

Bununla bağlı təşkilatçılar məlumatlandırılıb.

Qeyd edək ki, Milli Şura BŞİH-nə müraciətində Bakı Metropoliteninin 28 May stansiyasının qarşısındakı meydanda və Nəriman Nərimanov stansiyasının qarşısındakı parkda mitinq keçirmək istəyi yer alıb. BŞİH-nin cavabında isə qeyd olunub ki, "Sərbəst toplaşmaq azadlığı haqqında" qanuna əsasən, Metropolitenin mühafizə zonalarında dinc toplantıların keçirilməsi qadağan edilir. Eyni zamanda təklif edilən sayda insanın Nəriman Nərimanov stansiyasının qarşısındakı parkda toplanması ictimai təhlükəsizliyin təmin edilməsi baxımından çətinlik yaradır: “Bakı Şəhər Baş Polis İdarəsindən Bakı Şəhər İcra Hakimiyyətinə daxil olmuş məktuba əsasən, Sizin mitinq keçirilməsi üçün təklif etdiyiniz ərazilərin nəqliyyat vasitələrinin intensiv hərəkət etdiyi, həmçinin əhalinin daha sıx fəaliyyətdə olduğu metro çıxışları yaxınlığında olması toplantıda iştirak etməyən digər insanların sərbəst hərəkətinə problemlər yaradacağı, eyni zamanda həmin ərazilərdəki ticarət, ictimai-iaşə, xidmət obyektlərinin iş ahənginə ciddi maneçiliklər törədəcəyindən göstərilən yerlərdə mitinqin keçirilməsi insanların təhlükəsizliyinin təmin edilməsində çətinliklərin yaranmasına səbəb olacaq”.


Milli Şuranın mitinqinə razılıq verilib, amma...

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Gürcüstanda karantin rejimi və komendant saatı ləğv edildi
    Gürcüstanda yeni növ koronavirus pandemiyası səbəbi ilə tətbiq edilən fövqəladə vəziyyət rejimi ləğv edilib.
     23.05.2020
    Beynəlxalq Qüds Günü münasibətilə tele-mitinq keçirilib
    Beynəlxalq Qüds Günü münasibətilə 20-də çox İctimai Birlik və təşkilatın iştirakı ilə tele-mitinq proqramı təşkil edilib.
     23.05.2020

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ